Нийслэлийн өмчид Өрхийн эрүүл мэндийн төвүүдийн барилга байгууламжийг бүртгэх тухай

НИЙСЛЭЛИЙН
ИРГЭДИЙН ТӨЛӨӨЛӨГЧДИЙН ХУРЛЫН
ТЭРГҮҮЛЭГЧДИЙН ТОГТООЛ

 
2020 оны 11 сарын 06                  Дугаар 03                           Улаанбаатар хот
 

Нийслэлийн өмчид Өрхийн эрүүл мэндийн
төвүүдийн барилга байгууламжийг бүртгэх
 тухай
 

 
     Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 25 дугаар зүйлийн 25.1 дэх хэсэг, Төрийн болон орон нутгийн өмчийн тухай хуулийн 75 дугаар зүйлийн 75.1 дэх хэсэг, 77 дугаар зүйлийн 77.3 дахь хэсэг, Нийслэлийн Засаг даргын 2020 оны 02-01/5228 дугаар албан бичгээр өргөн мэдүүлсэн саналыг тус тус үндэслэн Нийслэлийн иргэдийн Төлөөлөгчдийн Хурлын Тэргүүлэгчдээс ТОГТООХ нь:

      1.Бүгд Найрамдах Турк Улсын буцалтгүй тусламжаар Налайх дүүргийн 7 дугаар хороо, Чингэлтэй дүүргийн 17 дугаар хороонд тус тус баригдаж ашиглалтад орсон нийт 1,005,671,337 /нэг тэрбум таван сая зургаан зуун далан нэгэн мянга гурван зуун гучин долоон/ төгрөгийн өртөг бүхий хавсралтад дурдсан өрхийн эрүүл мэндийн төвүүдийн барилга байгууламжуудыг нийслэлийн өмчид бүртгэн авахыг Нийслэлийн Засаг дарга бөгөөд Улаанбаатар хотын Захирагч /Д.Сумъяабазар/-д зөвшөөрсүгэй.

     2.Тогтоолын хэрэгжилтэд хяналт тавьж ажиллахыг Нийслэлийн иргэдийн Төлөөлөгчдийн Хурлын Тэргүүлэгчдийн нарийн бичгийн дарга бөгөөд Ажлын албаны дарга /Б.Батбямба/-д даалгасугай.
 
 
 
 
 

ДАРГА                                                  Ж.БАТБАЯСГАЛАН